Societad Svizra
per Linguas Periclitadas

Propostas

Propostas prenda la suprastanza encunter da tut temps. Las propostas vegnan (a) examinadas sch'ellas adempleschan als criteris generals e specifics per la promoziun, (b) valitadas e (c) acceptadas u refusadas. En general vegnan persunas natiralas che lavuran u/e studegian ad ina universitad svizra preferidas. Ultra da quai ston las propostas infurmar claramain ed en detagl davart finamiras, custs, datas e la relevanza da las activitads planisadas. Las propostas ston ademplir las finamiras ed ils intents descrits en ils statuts da la societad.

Duas modalitads da propostas vegnan offridas:

  1. fin CHF 1'500
  2. CHF 1'500 fin CHF 4'000

Modalitad 1 è oravant tut prevesida per acquistar apparats pitschens e per finanziar viadis. Indemnisaziuns per diem èn explicitamain exclusas. Viadis da retschertga sco era scolas da stad per students/studentas e doctorands/doctorandas che lavuran cun linguas periclitadas pon era vegnir sustegnids.

Modalitad 2 duai finanziar pitschens projects da documentaziun che ston dentant esser cumplets u dimoras da retschertga.